Home Tamil Cinema News வெளிநாடு சென்று உடல் எடையை குறைத்தாரா அனுஷ்கா!

வெளிநாடு சென்று உடல் எடையை குறைத்தாரா அனுஷ்கா!

393

Anushka-Photos

அனுஷ்கா சமீபத்தில் அளித்த பேட்டியில் தனது அடுத்த படங்களான ‘சிங்கம் 3’ மற்றும் ‘பாகுபலி 2’ குறித்த சில விபரங்களையும் தனது குண்டு உடலை குறைக்க அவர் எடுத்து வரும் முயற்சிகள் குறித்தும் தெரிவித்துள்ளார். தொடர்ச்சியாக பாகுபலி, ருத்திரம்மாதேவி ஆகிய வரலாற்று படங்களை அடுத்து மீண்டும் கமர்ஷியல் படமான ‘சிங்கம் 3’ படத்திற்கு திரும்பியுள்ளதாக அனுஷ்கா கூறியுள்ளார்.

‘இஞ்சி இடுப்பழகி’ படத்திற்காக தான் 17 கிலோ வரை எடையை கூட்டியுள்ளதாகவும், தற்போது பாகுபலி 2′ படத்திற்காக மீண்டும் எடையை குறைத்து வருவதாக கூறிய அனுஷ்கா இதுவரை 9 கிலோ எடையை குறைத்துவிட்டதாகவும் இன்னும் 8 கிலோ குறைத்ததும் படப்பிடிப்பில் கலந்து கொள்ளவிருப்பதாகவும் தெரிவித்துள்ளார். மேலும் எடையை குறைக்க தான் வெளிநாடு சென்றதாக வந்த செய்தியில் உண்மையில்லை என்றும், இயற்கையான முறையில் எடையை குறைக்க தன்னால் முடியும் என்றும் அவர் தெரிவித்துள்ளார்.

‘பாகுபலி 2’ படத்தில் தன்னுடைய கேரக்டருக்கு முக்கியத்துவம் இருக்கும் என்று கூறிய அனுஷ்கா இந்த படத்தில் தான் ஒரு பாடலுக்கு நடனம் ஆட உள்ளதாகவும் கூறியுள்ளார். மேலும் சண்டைக் காட்ச்சிகளில் தான் எதுவும் நடிக்கவில்லை என்று தெரிவித்துள்ளார்.