Home Tamil Cinema News மிரட்ட வரும் ‘பயம் ஒரு பயணம்’

மிரட்ட வரும் ‘பயம் ஒரு பயணம்’

137

Bayam-Oru-Payanam

பரத், விஷாகா சிங், மீனாக்ஷி தீட்ஷித் நடிப்பில் மணி ஷர்மா எழுதி இயக்கி இருக்கும் படம் பயம் ஒரு பயணம். இந்தப்படம் பற்றி இயக்குனர் மணி ஷர்மா கூறுகையில்,

இந்தப்படம் ஒரு பேய் படம்தான். ஆனால் இது வழக்கமான பேய் படங்கள் போல் இல்லாமல் ஒரு காட்டுக்குள், எங்கே இருந்து எப்போது வேண்டுமானாலும் பேய் வரும். நீங்க தப்பிக்கவே முடியாது என்கிறார்.

மேலும் படத்தின் கதையில் வனவியல் புகைப்படக்கார இளைஞர் ஒருவர், காட்டுப் பகுதியில் உள்ள ஒரு பங்களாவுக்குள் தங்கி விட்டு அங்கிருந்து கிளம்புகிறார். ஆறு மணி நேரத்துக்குள் அந்தக் காட்டை கடந்து அவர் வரவேண்டும். ஆனால் மூன்று நாட்கள் ஆகிறது. அதிலும் ஒரு இரவு என்பது முக்கியமானது.

அடர்ந்த காட்டில் தரையே வீடாகவும் வானமே கூரையாகவும் உள்ள சூழலில் அந்த இரவில் பேயிடம் சிக்கும் அந்த புகைப்படக்காரருக்கு என்ன நடக்கிறது என்பதுதான் இந்தக் கதை. பொதுவாக இப்போது பேய்ப் படம் என்றால் காமெடி கலந்து எடுப்பது எல்லோருக்கும் வழக்கமாக இருக்கிறது. ஆனால் இது முழுக்க முழுக்க சீரியசான பேய் படம். காமெடியும் இருந்தாலும் திகில்தான் இந்தப் படத்தின் பலம்.

விஷாகா சிங் நாயகியாகவும் பேயாகவும் நடிக்கிறார். நாயகனின் மனைவியாக இன்னொரு கதாநாயகியாக மீனாக்ஷி தீட்ஷித் நடிக்கிறார். அண்மைக் காலமாக காமெடி கேரக்டரில் அதிகம் நடித்து வந்த நடிகை ஊர்வசி இந்தப் படத்தில் விசாகாவின் அம்மாவாக ஒரு சீரியசான கேரக்டரில் நெகிழ்ச்சியூட்டும்படி நடித்துள்ளார். அவரது கணவராகவும் படத்தின் வில்லனாகவும் ஜான் விஜய் நடிக்கிறார்.

நாயகனின் நண்பனாக முனீஸ்காந்த் நடிக்க, மற்றும் சிங்கம் புலி, யோகிபாபு போன்றோரும் நடிக்கிறார்கள் என்று மணி ஷர்மா கூறினார்.