Home Health Health Tips உங்கள் கண்களை பத்திரமா பாத்துக்க சில குறிப்புகள்..!

உங்கள் கண்களை பத்திரமா பாத்துக்க சில குறிப்புகள்..!

26

தொழில்நுட்பம் வளர்ந்துவிட்ட சூழலில், கம்ப்யூட்டர், மொபைல் உள்ளிட்ட எலக்ட்ரானிக் சாதனங்களை அதிகம் பயன்படுத்த தொடங்கிவிட்டோம். இதனால் நமது உறக்கத்தில் தொடங்கி, பல்வேறு உடல்நலக்குறைபாடுகள் ஏற்படுகின்றன. நம் உடலின் அற்புதமான பொக்கிஷமாக திகழும் கண்ணைப் பாதுகாக்க சில வழிமுறைகளை இங்கே காணலாம்.

கம்ப்யூட்டர், மொபைல் பயன்படுத்தும் போது, வெளிச்சத்தை கவனிக்க வேண்டும். குறைந்த வெளிச்சம் என்றால் கண்வலி ஏற்பட்டு, பார்வை மங்கும். கண் கூசினாலும் பார்க்கக் கூடாது. கம்ப்யூட்டர், மொபைல் உள்ளிட்ட சாதனங்களின் வெளிச்சத்தை(Brightness) சீராக வைத்துப் பயன்படுத்தலாம்.

அதிக வெயிலில் வெளியில் செல்ல வேண்டாம். ஒருவேளை சென்றால், சன் கிளாஸ் போட்டுக் கொள்ளலாம். இருட்டிலும் கம்ப்யூட்டர், மொபைல் பயன்படுத்தக் கூடாது. அவ்வாறு செய்தால் பார்வைத்திறன் பாதிக்கப்படும்.

கண்களின் நலனுக்கு வைட்டமின் சி நிறைந்த பழ வகைகளைச் சாப்பிடலாம். உணவில் காய்கறிகள் எப்போதும் சேர்த்துக் கொள்ள வேண்டும். கண் தசைகளுக்கு ஓய்வு கொடுக்க, 20 நிமிடங்களுக்கு ஒருமுறை 20 அடியில் உள்ள பொருளை 20 நொடிகள் பார்க்க வேண்டும்.

முக்கியமாக இரவில் விழித்திருப்பது பல்வேறு உடல்நலக் குறைபாடுகளை ஏற்படுத்தும். மன அழுத்தம், உடல் பருமன், ஹார்மோன் பிரச்சனைகளை ஏற்படுத்தும். அதிகளவில் கம்ப்யூட்டர், மொபைல் ஸ்கிரீன் பார்த்துக் கொண்டிருந்தால், தூக்கமின்மை, மன உளைச்சல், தலைவலி உண்டாக்கும். இவற்றை தவிர்ப்பது சிறந்தது.